::Loyola College::::


எங்கள் வாழ்வும் எங்கள் வளமும்

மங்காத தமிழென்று சங்கே முழங்கு

 

புகழ்மிக்க இயேசு சபையினரால் தொடங்கப்பெற்ற இலயோலா கல்லூரியில் தமிழ்த்துறை தோற்றுவிக்கப்பட்டது . 1969 ம் ஆண்டு இளங்கலை சிறப்புத்தமிழ்ப் பாடப்பிரிவு தொடங்கப்பெற்றது . 1978 ம் ஆண்டில் தன்னாட்சித் தகுதிப் பெற்றவுடன் தமிழ்த்துறைப் பாடத்திட்டங்கள் மாற்றியமைக்கப்பட்டன .

 

தத்துவ போதகர் தமிழ் இலக்கியமன்றம் , இனிகோ தமிழ்ப்பேரவை , வீரமாமுனிவர் தமிழ்ப்பேரவை என மூன்று அமைப்புகள் மாணவர்களின் தமிழுணர்வை வளர்க்கும் நோக்கில் இயங்கி வருகின்றன . பல்வகையான போட்டிகள் , கருத்தரங்குகள் மற்றும் செயலரங்குகள் , அறக்கட்டளைச் சொற்பொழிவுகளின் வாயிலாக மாணவர்களுக்கு இலக்கிய சமூகச் செய்திகள் கொண்டு சேர்க்கப்படுகின்றன .

 

இத்துறையில் பயின்ற மாணவர்கள் பலரும் ஆசிரியர்களாக , கல்லூரிப் பேராசிரியர்களாக , திரைப்படக் கல்லூரிப் பேராசிரியர்களாகப் பணியாற்றுகின்றனர் . மேலும் , திரைப்படக் கலைஞர்களாகவும் , தொலைக்காட்சித் துறையிலும் விளையாட்டுத்துறையில் சிறப்புறச் செயலாற்றுபவர்களாகவும் , இதழியல் வல்லுநர்களாகவும் , காவல்துறைப் பணியாளர்களாகவும் பன்முகத் திறமைகொண்டு சமுதாய வளர்ச்சிக்கும் உயர்விற்கும் தங்கள் உழைப்பை நல்கி வருகின்றனர் .

 

இத் தமிழ்த்துறையின் மேனாள் தலைவராகப் பேரா . வளவன் பாண்டியன் , பேரா . முனைவர் அருள்சாமி , பேரா . முனைவர் க . ப . அறவாணன் , பேரா . முனைவர் ச . பா . அருளானந்தம் , பேரா . அடைக்கலசாமி , பேரா . முனைவர் அருணை பாலறாவாயன் , பேரா . த . சாமுவேல் , பேரா . முனைவர் ப . ஆறுமுகம் , பேரா . முனைவர் செ . தனராசு , பேரா . முனைவர் சி . அ . இராசராசன் , பேரா . முனைவர் சூ . அந்தோணி செல்வநாதன் , பேரா . முனைவர் அ . டேனியல் ஆகியோர் பணியாற்றியுள்ளனர் . கடந்த சூன் -2019 முதல் பேரா . முனைவர் து . மேரி சொர்ணாம்பாள் தலைமையில் தமிழ்த்துறை சிறப்புடன் இயங்கி வருகின்றது .

 

தமிழ்த்துறையில் நிறுவப்பட்ட அறக்கட்டளைகள்

•  முதுமுனைவர் அருள்தந்தை இராசமாணிக்கனார் , சே . ச ., அறக்கட்டளை

•  முனைவர் ந . சுப்புரெட்டியார் அறக்கட்டளை

•  கி . வா . ஜகந்நாதன் அறக்கட்டளை

•  தமிழ்ப்பண்பாட்டு மன்றம் அறக்கட்டளை

•  எஸ்தர் ராஜம்மாள் அறக்கட்டளை

 

மனோன்மணீயம் பெ . சுந்தரனார் தமிழை , ‘ உன் சீரிளமைத்திறம் வியந்து செயல் மறந்து வாழ்த்துதுமே ' என்று பாடிய கனவைத் தமிழ்த்துறை நனவாக்கிக் வருகிறது .

 ::Loyola College::::
Principal & Chairman
Rev. Dr A. Thomas, SJ.

Secretary and Correspondent
Rev. Dr D. Selvanayakam, SJ.

Director, Office of Media Relations
Rev. Fr. Justin Prabhu, SJ.
CONTACT
Loyola College, Post Box 3301, Sterling Road,
Nungambakkam, Chennai - 600 034,
Tamil Nadu, INDIA.
Phone: +91 - 44 - 28178200
Fax: +91 - 44 - 28175566
E-mail: helpdesk@loyolacollege.edu

Designed & Maintained by Office of Media Relations

©2019 Loyola College. All rights reserved.